Bilboko Split 77 taldea Eskoziako Go North jaialdi eraldoian arituko da maiatzaren 20an, non Gaztelupeko Hotsak disketxearekin argitaratutako Antenna diskoa aurkeztuko duten. Deustuarrek, Ingalaterrako Music Week aldizkari famatuak maiatzeko alearekin argitaratu duten cd bilduman, Malkoa’ deituriko abestia tartekatu dute. Gaztelupeko Hotsak zigiluarekin orain hilabete batzuk atera zuten beren estreineko lana “Antenna” izenburupean. Deustun finkaturiko taldeak, euskaraz abestuz kanpora irtetzea lortu du, azken hilabeteetan notizi pozgarri ugari izan dituztelarik. Batetik Ingalaterrako Music Week aldizkari famatuan agertzen da taldea, hain zuzen Maiatzeko alearekin plazaratu berri duten cd bilduman taldearen “Malkoa” abestia azaltzen da, hamabi abestiz osaturiko bilduma horretan The Radiotones, The Delgados, Berkeley edota Odeon Beat Club moduko taldeak daude beste batzuen artean. Albiste pozgarria da, berez Ingalaterrako puntako musika aldizkari batean azaltzen den lehen euskal taldea bait dira -eta gainera euskeraz abestuz- beste hainbat talderen inguruan. Berri honetaz gain Eskoziako Aberdeen hirian ospatzen den ‘Go North’ jaialdian jotzeko aukera ere izango du taldeak. Batetik, Euskal Herritik kanpo irtetzeko aukera delako eta bestetik lehen euskal rock taldea delako horrelako jaialdi batean parte hartzen duena. Hiru egunez osaturiko jaialdia izango da, eta Split 77 taldeak maiatzaren 20ean joko du zuzenean. Go North jaialdia ez da soilik musika jaialdi bat, baizik eta Europa osoko musika industria biltzen duen gunea ere, kongresu eran antolatua, urte erdian ospatzen den jaialdia bilgune bat da. Produktoreak, aldizkari espezializatuak, disketxeetako jendea, etab. hurbiltzen direlarik bertara. Esan jaialdi honetan hainbat talde gazte zein nazio mailan izen haundia dutenak arituko direla, hala nola Travis, Misfits, The Delgados, Shed Sheven, Paul Weller, Coldplay edota Starsailor moduko taldeak arituko dira beste batzuen artean. Split 77 taldeak berri pozgarri moduan hartu du bertan jotzea. “Antenna” diskoa zuzenean Euskal Herrian aurkezten aritu ondoren salto hau experientzia moduan oso aberasgarri ikusten dute. Esan Velvet Underground, Joy Division edota New Order taldeen eragin musikala nabaria dela SPLIT 77 taldearen musikan. Udara begira taldea proiektu berri baten sartzekotan dabil, “Antenna” diskoaren erremixak publikatzea.Horretarako europa mailako zenbait dj, produktore eta erremezklatzailee batzuekin harremanetan daude proiektua aurrera eramateko. Euskal Herrian “Antenna” diskoa aurkezten ibili ondoren, beren aportazioa musikalak eta jarrera zein ikuspuntu modernoak izan du iada oiartzuna bai ingalaterran zein eskozia aldean.
