Jose Olaizolak 1950. urtean sortu zuen ‘Sorgiñeta’ ballet suite-koralaren bertsio berria osatu du Kukai Dantza Konpainiak, eta urtarrilaren 22tik 27ra bitartean emango du Euskadiko Orkestra Sinfonikoarekin eta Andra Mari abesbatzarekin batera, Donostia, Bilbo, Gasteiz eta Iruñean.
Olaizolaren balleta bederatzi dantzarik jokatuko dute, Jon Mayaren koreografia eta Mireia Gabilondoren zuzendaritza eszenikoarekin. Olaizolaren balletaren kontakizuna Sorgiñetako lurraldean kokatzen da. Bertako erregina, Sorgin Anderea, triste dago eta herritarrek erreginaren omenezko jaiak antolatu dituzte. Tartean erreginaren eskua lortzeko lehia antolatu dute. Balleta maitasun historia, lehia eta ospakizunaren artean kokatzen da, Jose Olaizolak sortutako konakizunaren arabera.
Kukai konpainiak ballet horren bertsioa osatu du, eta urtarrilaren 22a eta 27a artean aurkeztuko du.
EMANALDIAK
Urtarrilaren 22a: Donostian, Kursaal jauregian
Urtarrilaren 23a: Bilbao, Euskalduna Jauregia
Urtarrilaren 25: Donostia, Kursaal Jauregia
Urtarrilaren 26a: Gasteiz, Printzipal Jauregia
Urtarrilaren 27a: Iruñea, Baluarte
FITXA ARTISTIKOA:
Koreografia: Jon Maya
Eszena zuzendaria: Mireia Gabilondo
Dantzariak: Vivien Ingrams, Jon Maya, Eneko Gil, Alain Maya, Urko Mitxelena, Ibon Huarte, Nerea Vesga, Urko Mitxelena eta Nagore Indakoetxea
Argi diseinua: Xabier Lozano
Jantzien diseinua: Ana Turrillas
