Le Petit Theatre de Pain konpainiaren Juglarea, puta eta eroa antzerki lanak irabazi du Euskararen Udal Patronatuak eta Donostia Kulturak antolatzen duten “IX. Donostia Antzerki Saria“. Saria emateko ekitaldia Nazioarteko Antzerkiaren Egunean egingo da, martxoaren 27an, 20:00etan, Victoria Eugenia Antzokian. Talde irabazleak 10.000€ eta Clara Gangutiaren margolan bat jasoko ditu. 8.000 € orain eskuratuko ditu eta gainerako 2.000 € jasotzeko, 2011. urtea bukatu aurretik euskarazko antzerki lan berria eskaini beharko du Donostian. Gonbidapenak Victoria Eugenia Antzokiko leihatilan, martxoaren 27an, edukiera bete arte.
